பக்கத்து வீட்டில் படுகொலை

பக்கத்து வீட்டில்

படுகொலை

விவரமறிய

எண்டிடிவியின் உலக செய்திகளை

பார்க்க வேண்டும்

அல்லது

சன்னலை திறக்க வேண்டும்

ஸ்பார்டகசும் பிரபாகரனும்

சமீபத்தில் மூன்று வெவ்வெறு தொ.கா. அலைவரிசைகளில் மூன்று ஆங்கிலத் திரைப்படங்களைப் பார்த்தேன். பிரேவ் ஹார்ட், ஹோட்டல் ருவாண்டா மற்றும் ஸ்பார்டகஸ். இதில் பிரேவ் ஹார்ட்டும் ஹோட்டல் ருவாண்டாவும் முன்னரே பார்த்த வரலாற்றுத் திரைப்படங்கள். ஸ்பார்டகஸ் இரண்டாயிரம் வருடங்களுக்கு முந்தைய வரலாற்று நாயகன். இந்த மூன்று கதைகளிலும் ஈழ சோகத்தை ஒப்பிட முடிகிறது. ஸ்பார்டகஸை வென்ற ரோமானிய தளபதி சொல்கிறான், "ஸ்பார்டகஸை சிலுவையில் ஏற்றிய பிறகு அவனுக்கென்று சமாதியென்று ஒன்றும் இருக்கக்கூடாது. அவனது சாம்பல்கூட யாருக்கும் கிடைக்கக்கூடாது"

ஒவ்வொரு கதைக்கும் ஏறக்குறைய ஆயிரம் ஆண்டுகள் இடைவெளி இருக்கக்கூடும். ஆயிரமாயிரம் ஆண்டுகளாக வரலாற்றின் குரூரம் தொடர்ந்து கொண்டுதான் இருக்கிறது.

ஓர் அடிமையின் பிரியாவிடை

 

இனி எதையும் நிரூபிக்க வேண்டியதில்லை.
ஈழம்
பயங்கரவாதி
தாயகக்கோட்பாடு
ஒப்பந்த மீறல்
இனப்படுகொலை
பேரினவாதம்
என்று எதையும் நிரூபிக்க வேண்டியதில்லை
தோல்வி முகத்தில் அறைந்த வலியுடன்
கூனிக்குறுகி திரும்பி நடந்து கொண்டிருக்கிறது
வெட்கங்கெட்ட வரலாறு

 

ஜெயமோகனின் இந்த கவிதையின் பாதிப்பு இது

மகாத்மாக்கள் ஒழிக

கற்பழித்தவனை
கத்தி கொண்டெதிர்த்தவள்
கொல்லப்பட்டாள்

 

உறவுகள் கதறின
சிலர் கலகக்காரி என்றார்கள்
சிலர் வன்முறைக்காரி என்றார்கள்

 

இன்னும் சிலர்
எதிர்ப்பதில் பழுதில்லை
கத்தியெடுத்ததே குற்றம் என்கிறார்கள்
இன்னும்

 

கற்பழித்தவன்
கவனிக்கப்படாமல்
புனிதனாகிக்கொண்டிருக்கிறான்
கத்தியின் பொருட்டு

NDTV talks about death toll

Death toll in swine flu reaches 61: WHO

from NDTV News

The number of confirmed cases of swine flu or A(H1N1) virus has increased to 5,251, with 61 people dead from the disease around the world, the World Health Organisation (WHO) announced on Tuesday.